Google.Translate

顯示具有 劉鳴煒 標籤的文章。 顯示所有文章
顯示具有 劉鳴煒 標籤的文章。 顯示所有文章

2015年5月20日 星期三

劉鳴煒叫青年少睇戲旅行儲首期辣慶網民

 
華人置業主席兼行政總裁、青年事務委員會主席劉鳴煒,最近接受網台專訪,提到年輕人不滿樓價高企、無望置業時,首先為「地產霸權」開脫,又指樓價高企是由於供應不足,最後指青少年很多消費,不願犧性,甚至放棄儲蓄首期,「睇唔到樓市跌就唔好預備,使晒去算啦,呢個態度我覺得唔正確」。其論點引起大批網民反感,批評「離地離到上太空」。
劉鳴煒日前接受Goyeah.com專訪,末段提到年輕人買樓問題,劉鳴煒以2分鐘篇幅為地產商開脫,4分鐘向年輕人強調儲蓄重要性。劉鳴煒一開始就指「地產霸權呢個標籤好情緒化,簡化咗一個問題」,然後就指過去幾年樓市總成交七成半源於二手市場,以此論證發展商並非樓價高企「元兇」。
不過,真正辣㷫網民的是劉鳴煒對年輕人儲蓄及消費看法,他反問青年「願唔願意犧牲,睇少啲戲、去少啲日本?」將錢省下儲首期。劉鳴煒指時下青少年都會買最新型號智能電話,又經常去旅行,舉例指月入1.5萬元青年會「儲500蚊定3000蚊?」,認為青少年若認為樓價高企、買不起樓就不需儲蓄,「呢個態度我覺得唔正確」。
當主持問到是否青少年願意儲蓄、減少消費,就可以「上到車」時,劉鳴煒則表示:「我唔想誤導人。」重申青少年首先應該儲首期,否則「樓價跌幾多都冇用」,認為年輕人應首先裝備自己,找固定工作,有不錯的月薪,以及多儲蓄。
網民則認為劉鳴煒只是將責任推卸給年輕人,反問有多少人月薪1.5萬元,而有月薪1.5萬元的人,即使願意每月儲蓄3000元,又要多少年才能有儲到首期。有網民就認為劉鳴煒作為「大劉」劉鑾雄兒子,只是「成功需父幹」又一例子,諷刺說「不如話死多幾次,投多幾次胎,好似佢咁,唔使樓價跌,都可以買樓又去日本」。

網民點睇:
TaShiGi:儲100年就夠買兩人單位。
大淫賊:1個月儲3千就買到樓,骨灰庵都未必夠啦。
西野家內:窮人唔准有任何娛樂,做死一世樓奴就好啦。
高登清道夫:由佢把口講出嚟真係別有一番風味。
上上策:我一個月存一萬都覺得上車無期,同我講儲3千。
kinghungip:此類所謂富二代,未受風雨侵蝕的小鳥,乃父劉鑾雄一生秉承:「逢商別奸,為富不仁」之道,落得官非連連,子亦挾其父蔭,一股財大氣粗盛氣凌人之勢,以為錢得來容易,一旦此二世祖遭「去勢」後,還能飽經歷練重振雄風嗎

來源轉自:
【2015年5月20日】
(注意:帖內文或圖片中可能含有厭惡性簡體字;本站維護 中華文化,堅決行使正體字。版權歸著者所有。)